پۆلیسی هەولێر: ژنێک لەلایەن هاوسەرەکەیەوە کوژرا

بەڕێوبەرایەتی پۆلیسی هەولێر رایگەیاند، ئەمڕۆ ژنێکی تەمەن ٣٨ ساڵ لەلایەن هاوسەرەکەیەوە کوژرا.

ئەمڕۆ یەکشەممە، بەڕێوبەرایەتی پۆلیسی پارێزگای هەولێر رایگەیاند، ئاگادار کراونەتەوە لە رووداوێکی کوشتن لە گەڕەکی (ئاری) و پاش گەیشتنیان بە شوێنی رووداوەکە دەرکەوتووە کە کوژراوەکە ژنێکی تەمەن ٣٨ ساڵ بووە و لەلایەن هاوسەرەکەیەوە لەسەر کێشەی خێزانی کوژراوە.