نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان ڕاگەیاند: “بڕیار درا لە مانگی ڕەمەزاندا دوو سەبەتەی خۆراک دابەش بکرێ، ئێستا تەواوکەری سەبەتەی یەکەمی ڕەمەزان دەدرێ، هەروەها سەبەتەی دووەمی ڕەمەزانیش دابەش دەکرێت”.
ئەوەشی خستە ڕوو، ئێستا ڕۆژانە بەشەخۆراک دێتە کۆگاکان و دوای پشکنن دابەش دەکرێ، گوتیشی: “ئێستا کەمێک لە بەشەخۆراکی سەبەتەی یەکەمی ڕەمەزان ماوە و سەبەتەی دووەمی ڕەمەزانیش دەست پێ کراوە و ڕۆژانە دێتە کۆگاکان و دوای پشکنينی تەندروستی دابەش دەکرێت”.
نەوزاد شێخ كامیل ئاشکراشی کرد، لە سەبەتەی دووەمی ڕەمەزاندا، برنج و زەیت و دۆشاوی تەماتە و شەکر دابەش دەکرێ.
بەگشتی، سەبەتەی خۆراکەکە پێکهاتووە له (شەکر و زەیتی تورکی و دۆشاوی تەماتەی تورکی و فاسۆلیای تورکی و لەتکەنۆکی رووسی و برنجی تایلەندی).