رۆژی دووشەممە 2ـی نیسانی 2022، ماجید سەید ساڵح، جێگری پارێزگاری دھۆک بە رووداوی گوت، تاوەکو ئێستا زیاتر لە 600 خێزانی شنگال کە نزیکەی سێ هەزار و 500 کەس دەبن بەھۆی ئاڵۆزییەکانی شنگال ئاوارەبوون و گەیشتوونەتە سنووری پارێزگای دهۆک.
جێگری پارێزگاری دھۆک ئاماژە بەوەش دەکات، “کارگێری پارێزگاری دھۆک ھەموو ئامادەکارییەکی کردووە بۆ جێگرکردنیان لە کەمپەکانی سنووری پارێزگای دھۆک.
ماوەی دوو رۆژە شەڕ و پێکدادان لە نێوان سوپای عێراق و یەبەشە روودەدات، هێزەکانی عێراق داوا دەکەن هێزەکانی سەر بە پەکەکە شنگال جێبهێڵن، بەڵام ئەوان ئامادەنین داواکارییەکەی سوپای عێراق جێبەجێ بکەن. رۆژی دووشەممە لە رووبەڕووبوونەوەی سوپای عێراق و یەبەشەدا سەربازێکی سوپای عێراق کوژرا.