چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نوسەران و ڕۆژنامەنووسان دەڵێن، بزووتنەوەی گۆڕان و كۆی حزبەكانی زۆنی سەوز ئاگایان لە دزی و تاڵانی ئەم زۆنە هەیە بەڵام لەترسا و لە بوونی پشكیان ئاماددەنین باسی دزی بكەن و بێدەنگییان هەڵبژاردووە.
ناسیح عەبدلرەحمان نوسەر و ڕەخنەگر ڕاگەیاند” سروشتی هێزەكانی سلێمانی بەهۆی ئەوەی هەڵقوڵاوی ناو كۆمەڵگای كوردی و دنیای سیاسەتنین و هێزی دروستكراوی پەرچە كردارین،خاوەنی هیچ ڕوئیایەكنین بزووتنەوەی گۆڕانیش وەكو هێزێكی كاردانەوە دروست بووە بەهۆی كێشە ناو خۆیانەی هەیەتی لەماوەی چەند ساڵی ڕابردوو چەندین كوتلە و باڵی لێدروست بووە ،بۆیە ئەم هێزە كێشەی گوتاری هەبووە ناتوانی حسابی قسەی بەرپرسانی لەسەر بزووتنەوەكە بكەیتە ماڵ.
بزووتنەوی گۆڕان و كۆی حزبە سیاسییەكانی زۆنی سلێمانی ورد و دروشتی ئەو دزی و گەندەڵییەی بەتڵان بردن و دەستبەسەرداگرتن و مافیاگەرییەی لە زۆنی سلێمانی هەیە، بەڵام بەهۆی هێزێكی چەكداری دەسەڵاتدار هەیە هیچ كام جورئەتی ئەوەناكەن پەردە لەسەری هەڵماڵن و قسەی لەسەر بكەن بەشێكیشی پێوەندی بەوەوە هەیە ئەو دزی و تاڵانیەی لەم زۆنە دەكرێت، هەرحزبە و بەشی خۆی پێدەدرێت لە ڕێگەی جۆراوجۆرەوە
