پۆلیسی سلێمانی لە بڵاوكراوەیەكدا رایگەیاندووە، دوای ئەوەی ژنێك سكاڵای تۆماركرد لەسەر چەند كەسێك كە دەستدرێژییان كردووەتەسەری، لەلایەن بنكەی پۆلیسی بەكرەجۆوە توانرا 4 تۆمەتبار دەستگیر بكرێن، كە یەكێك لە تۆمەتبارەكان ژنەكەیان هەڵخەڵەتاندووە و بردویانە بۆ باخێك لەسنوری بەكرەجۆ و لەوێ تاوانەكەیان ئەنجامداوە.
رونیشكراوەتەوە، لەئێستادا تۆمەتباران كە دوانیان لە دایكبووی 1994 و دوانەكەی تریان 1988ن، بەبڕیاری دادوەر راگیراون و لێكۆڵینەوە لەگەڵیان بەردەوامە.
پۆلیسی سلێمانی جەختی لەوەش كردووەتەوە، لەچالاكییەكی تردا و دوای ئەوەی هاوڵاتییەك لەلایەن دوو تۆمەتبارەوە لەسنوری گەڕەكی بەكرەجۆ بە فیشەك بریندار كرا، هێزەكانی بنكەی پۆلیسی بەكرەجۆ و ئاسایشی سلێمانی لێكۆڵینەوەكانیان دەستپێكردوو توانرا هەردوو تۆمەتبارەكە بدۆزرێنەوە و دەستگیربكرێن.
بەپەلە
وەزارەتی دارایی بڕیارێكی تازە دەردەكات
ئارام عەبدوڵا : پوول خەرجیی زۆری دەوێت، چونكە لەدەرەوە چاپ دەكرا، بۆ نموونە، پوولێك 500 …