رۆژانە خواردنی گوێز شەش گۆڕانکاری بەسەر پێستدا دەهێنێت

ماڵپەڕی “الوطن” لە هەواڵێکدا باسی لەوەکردوە گوێز یەکێکە لە خۆراکە زۆر باشەکان بۆ پێست و دەوڵەمەندە بە چەندین ماددەی خۆراکی و ڤیتامینەکان کە کاریگەری گرنگیان دەبێت لەسەر جوانی و درەوشانەوەی پێست، دیارترین سوودەکانیشی ئەمانەن:

یەکەم:

کاریگەری بەرچاوی هەیە لەسەر دواخستنی نیشەنەکانی پیری بەهۆی دەوڵەمەندی بە دژە ئۆکسانەکان و ڤیتامین B.

دووەم:

پێست بەشێداری دەهێڵێتەوە و ڕێگرە لە وشکبوونەوەی بەهۆی دەوڵەمەندی بە ڕێژەی ئۆمێگا سێ.

سێیەم:

ڕێگرە لە کۆبوونەوەی چەوری و دروستبوونی زیپکە لەسەر روخسار بەهۆی ئەوەی دژی هەوکردنەکان دەوەستێتەوە.

چوارەم:

کاریگەری بەرچاوی هەیە لەسەر کەمکردنەوەی ڕەشی ژێرچاو بەهۆی دەوڵەمەندی بە ڤیتامین E.

پێنجەم:

پێست گەشاوە و درەوشاوەتر دەکات، بەهۆی دەوڵەمەندی بە بەکتریا سوودبەخشەکان.

شەشەم:

چەورییە سوودبەخشەکانی تێدایە کە کاریگەرییان هەیە لەسەر باشکردنی پێستی سەری مرۆڤ