دژە تیرۆری کوردستان لەبارەی هێرشە مووشەکییەکەی سەر هەولێر راگەیێندراوێکی لە پەیجی فەرمیی خۆی لە فەیسبووک بڵاوکردەوە و رایگەیاند، “بەگوێرەی زانیارییەکان، مووشەکەکان لە دەرەوەی سنوورەکانی عێراق و هەرێمی کوردستان و لە رۆژهەڵاتەوە ئاراستە کراون”.
لە پەیامەکەی دژە تیرۆری کوردستاندا هاتووە، لە دەرەوەی هەرێمی کوردستان و عێراقەوە بە مووشەکی بالیستیکی هێرش کرایە سەر هەولێری پایتەخت، ئاماژەی بەوەش کردووە، “بەگوێرەی زانیارییەکانی پەیجی دژە تیرۆری کوردستان، کاژیر 01:00ی ئەمشەو لەڕێگەی 12 مووشەکی بالیستیکی گەڕەکێکی شاری ھەولێریان بە ئاراستەی کۆنسوڵخانەی ئەمریکا لە هەولێر کردە ئامانج، جگە لە زیانی ماددی، زیانێکی گیانی نەبووە”.