چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
محەمەد سەعدەدین، ڕاگەیاند: “ئێمە گلەیی ھاووڵاتییانمان پێ گەیشتووە لەبارەی وەرگرتنی باج، بەتایبەتی گلەیی خەڵکی کاسب لەسەر زۆریی باج، لەبەر ئەوەش پەرلەمانی کوردستان بەدواداچوونی کردووە و لەگەڵ حکوومەتی ھەرێمی کوردستان ھەماھەنگی دەکەین بۆ ئەوەی سیستەمی باج جارێکی دیکە ڕێک بخرێتەوە.”
ئەندامەکەی لیژنەی دارایی دەشڵێت: “بڕیارە لیژنەی دارایی و وەزارەتی دارایی پێکەوە کار بۆ جێگیرکردنی سیستەمی باج بکەن، بە شێوەیەک کە وەرگرتنی باج نەبێتە بارگرانی لەسەر ھاووڵاتییان و یەک سیستەمی باج ھەبێت و ھەمووی ڕێک بخرێتەوە بە لەبەرچاوگرتنی گوزەرانی ھاووڵاتییان.
