چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەڕێوەبەرایەتی ئاسایشی هەولێر له راگه‌یه‌ندراوێكدا ئاشكرای كرد، تۆمه‌تباری سه‌ره‌كی له كوشتنی گه‌نجێك له گوندێكی سنووری ناحیه‌ی قوشته‌په ده‌ستگیركرا.
بەڕێوەبەرایەتی ئاسایشی هەولێر روونیكرده‌وه، دوای رووداوی هاووڵاتی (ئەحمەد لەتیف سلێمان) دوێنێ شەو (3ی شوبات/ فێبرایه‌ری 2022) لە ناو ماڵەکەی لەگوندێکی سنوری ناحیەی قوشتەپە لەسەر کێشەیەکی کۆمەڵایەتی، تیمەکانی لێکۆڵینەوەی بەڕێوەبەرایەتیمان ئەرکی خۆیان ئه‌نجام دا.
ئاماژه به‌وه‌ش كرا، توانرا تۆمەتباری سەرەکی دەستنیشان بکرێت، بە ناوی (س. ی. ق)، دواتر تۆمەتباره‌كه ئەمشەو خۆی رادەستی هێزەکانمان کرد و دەدرێتە دادگا و تۆمه‌تبار سزای یاسایی خۆی وه‌رده‌گرێت.
