چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمشەو حسێن عەلی حسێن، بەڕێوەبەری ئاسایشی فڕۆکەخانەی نێودەوڵەتی بەغدا لەلایەن ژمارەیەک چەکداری نەناسراوەوە رفێنرا و تائێستا چارەنوسی نادیارە.
ماڵپەڕی “الحدث” لە سەرچاوەیەکی ئەمنی بەغداوە بڵاویکردەوە، ئەمشەو حسێن عەلی حسێن، بەڕێوەبەری ئاسایشی فڕۆکەخانەی نێودەوڵەتی بەغدا رفێنراوە، تائێستاش بەرپرسانی دەسەڵاتی فڕۆکەوانی شارستانی عێراق لەبارەی چارەنوسییەوە هیچ زانیارییەکیان نیە.
ئەوەش لەکاتێکدایە هەر ئەمشەو بە سێ موشەک هێرشکرایەسەر شوێنی مانەوەی محەمەد حەلبوسی، سەرۆکی پەرلەمانی عێراق لە قەزای “الكرمة”ی پارێزگای ئەنبار، بەگوێرەی زانیارییە سەرەتاییەکانیش موشەکەکان ئامانجەکەیان نەپێکاوە، بەڵام بەهۆی روداوەکە دو کەس برینداربون.
