وەزارەتی کارەبای هەرێمی کوردستان ئەمڕۆ هەینی ڕایگەیاند: بە مەبەستی پاراستنی ژیان و تەندروستی هاووڵاتییان و فەرمانبەرانی وەزارەتی كارەبا و پشتبەستن بە بڕیار و ڕاسپاردەكانی لێژنەی باڵای بەرەنگاربوونەوەی كۆرۆنا، هەر فەرمانبەرێک ڤاكسینی وەرنەگرتبێت ڕێگەی پێ نادرێت دەوام بكات و ئەو هاووڵاتییانەشی ڤاكسینیان وەرنەگرتووە، ناتوانن سەردانی بەڕێوەبەرایەتی و فەرمانگەكانی كارەبا بكەن.
ڕاشیگەیاند: ئەم بڕیارە لە ڕۆژی یەكشەممەوە (2022/01/23)، بەبێ جیاوازی لەلایەن بەڕێوەبەرایەتیی گشتیی دیوانیی وەزارەتی كارەباوە جێبەجێ دەكرێت.
ئاماژە بەوەشكرد جێبەجێكردنی ئەم ڕێنماییە لەپێناو ڕووبەرووبوونەوەی كۆرۆنا و شەپۆلی نوێی كۆڕۆنایە كە پێویستە سەرجەم فەرمانبەران بۆ پاراستنی خۆیان و هاوكارانییان و هاووڵاتییان پابەندیی ڕێكارەكانی خۆپارێزی بن.