چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
حکومەتی هەرێمی کوردستان ساڵێکی سەختی ئابووریی بەڕێکرد، بەڵام بەربەستەکان نەبوونە رێگر لەبەردەم پڕۆژە و پلانەکانی کابینەی نۆیەم بۆ پێشكه‌شكردنی خزمەتگوزاری لە سێکتەری ئاوادنکردنەوەدا لەساڵی 2021 و توانی چه‌ندین پڕۆژه‌ی ستراتیژیی جیاواز له ماوه‌ی ئه‌و ساڵه‌دا ئه‌نجام بدات، له‌وانه‌ش:
- رێگه‌ی نێوان هەولێر – گۆپاڵ بە گوژمەی 189 ملیار و 567 ملیۆن دینار، کە درێژییەکەی 38 کیلۆمه‌تره.
- درووست کردنى رێگه و تونێلی پیرمام بە گوژمەی 178 ملیار و 133 ملیۆن دینار، کە درێژییەکەی زیاترە لە 8 كیلۆمه‌تر.
- چاککردنەوە و قیرتاوکردنی رێگه‌ی سەرەکی (هیران – هیزۆب) بە گوژمەی 2 ملیار و 500 ملیۆن دینار، کە درێژییەکەی 11 کیلۆمه‌تره.
- چاككردنەوەی رێگه‌ی (رۆڤیا – ئاكرێ) بە گوژمەی 49 ملیۆن و 375 هه‌زار دینار، کە درێژییەکەی 14 کیلۆمه‌تره.
- قیرتاو كردنى رێگای (تانجەڕۆ – قەرەداغ ) بە گوژمەی 189 ملیۆن و 560 هه‌زار دینار، کە درێژییەکەی 31 کیلۆمه‌تره.
پرۆژەکانی رێگاوبانی دەڤەری سیدەکان بە گوژمەی 776 ملیۆن و 992 هەزار دینار، کە درێژییەکەی 43 کیلۆمه‌تره.
هه‌ر له‌و باره‌یه‌وه ئاگرین عه‌بدوڵڵا، بریکاری وەزارەتی ئاوەدانکردنەوە،رایگەیاندووە : لە ساڵی 2021 توانراوە 26 پڕۆژە تەواوبکرێت، بڕی گوژمەی سەرجەمیشیان ئاشکرا دەکات، كه بریتییه له 413 مليار و 607 ملیۆن و 900 هه‌زار دینار.
لە سێکتەری کارەبا، حکومەتی هەرێمی کوردستان لە ساڵی 2021 چەندین پڕۆژەی جێبەجێکردووە، گرنگترینیان ئه‌مانه‌ن: - وێستگەیەكی كارەبای دیبەگە بە گوژمەی 2 ملیار و 15 ملیۆن دینار
- دوو پڕۆژەی کارەبا لە مەخموور بە گوژمەی 1 ملیار و 742 ملیۆن دینار
- گەورەترین پڕۆژەی بەرهەمهێنانی کارەبا بە وزەی خۆر لەسەر ئاستی عێراق و هەرێمی کوردستان لە قەزای مێرگەسۆر، پرۆژەکە مێگاواتێك کارەبا بەرهەم ده‌هێنێت.
- پڕۆژەی هێڵی به‌رزه پاڵه‌په‌ستۆی گواستنەوەی کارەبای 33 کەی ڤی خەبات، بۆ وێستگەی ئیفراز3 لە کەورگۆسك کرایەوە، کە بە گوژمەی 11 ملیار و 160 ملیۆن دینار.
- دامەزراندنی وێستگەی 300 مێگاواتی له خه‌بات.
- دامەزراندنی وێستگەی 165 مێگاواتی له گه‌رمیان.
- دامەزراندنی وێستگەی 150 مێگاواتی له زاخۆ.
- دامەزراندنی وێستگەی ساڵح ئاغای 25 مێگاواتی.
- راكێشانی هێڵی 33 کە یڤی لە گەرمیان.
- دابینکردنی سێ وێستگەی دیکە بۆ سەنتەری شاری سلێمانی.
- راکێشانی هێڵی 132 کەی ڤی بازیان بۆ ڕاپەرین.
- دامەزراندنی وێستگەکانی گواستنەوەی شێروان مەزن، کەسنەزان، ئازادی نوێ، رووناکی، نیشتمان.
- راکێشانی هێڵی 132 کەی ڤی خەبات بۆ زەنگەنان.
- راکێشانی هێڵی 132کەی ڤی بۆ دارەتوو، بەردەرەش، قەسرۆك، شاریا.
- راکێشانی هێڵی 132 کەی ڤی بۆ سێمێل و زاخۆ.
هه‌ر سه‌باره‌ت به‌و پڕۆژانه‌ی له سێكته‌ری كاره‌با له ماوه‌ی ساڵی 2021 له‌لایه‌ن كابینه‌ی نۆیه‌می حكومه‌تی هه‌رێمی كوردستانه‌وه ئه‌نجامدراون، ئومێد ئەحمەد، گوتەبێژی وەزارەتی کارەبا گوتی: لە ماوه‌ی ئه‌مساڵدا توانیویانە ئاستی بەرهەمهێنانی کارەبا به‌ڕێژه‌یه‌كی به‌رچاو به‌رز بكه‌نه‌وه.
