چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ هەینی 31ی کانوونی یەکەمی 2021، فازڵ حاجی، وتەبێژی هاتووچۆی هەولێر رایگەیاند، “سەرجەم شوفێران و هاووڵاتیانی شاری هەولێر ئاگاداردەکەینەوە، بەهۆی ئەگەری دروستبوونی قەرەباڵەخی و کۆبوونەوەی خەڵک لە هەندێک شەقام و شوێنە گشتییەکان بەبۆنەی سەری ساڵی تازە، لە کاتژمێر 7ی ئێوارەی ئەمڕۆ هەینی تاوەکو درەنگانی شەو چەند شەقامێک بەتەواوی دادەخرێن بەڕووی شوفێراندا.”
ئاماژەی بۆ ئەوەشکردووە، هاتووچۆکردن لەو شەقامانە تەنیا بەپیادە دەبێت و ئەم شەقامانە دەگرێتەوە:
چوارڕیانی ئیسکان لەسەر شەقامی 60 مەترییەوە تاوەکو باخچەی برووسک.
– چوارڕیانی گەل بەرەو ناو بازاڕ.
– چوارڕیانی میدیا بەرەو ناوبازاڕ
.- چوارڕیانی پارێزگا بەرەو ناو بازاڕ
– کۆتایی شەقامی حەمرا.
شەقامی 100مەتری ئەو بەشەی بەپێش فاملی مۆل دادەڕوات بۆ رێگەی شەقڵاوە، تەنها یەکساید دەگیرێت کە سایدی چوونە بۆڕێگای شەقڵاوە وە سایدی هاتن بۆلای رێگەی کۆیە کراوە دەبێت.
