وەزارەتی دارایی سەبارەت بە خەرجییەکانی خوێندنی باڵا ڕوونكردنه‌وه‌یه‌كی بڵاوكرده‌وه‌

له‌ روونكردنه‌وه‌كه‌ی وه‌زاره‌تی خوێندنی باڵادا هاتووه‌: سه‌باره‌ت به‌ خه‌رجییه‌كانی وه‌زاره‌تی خوێندنی باڵا و توێژینه‌وه‌ی زانستی ‎له‌ 1/1/2021 تاوه‌كو 24/11/2021 ڕه‌زامه‌ندی له‌سه‌ر 369 نوسراوی وه‌زاره‌تی  خوێندنی باڵاو توێژینه‌وه‌ی زانستی دراوه‌ كه‌ بڕه‌كه‌ی 14 ملیار و 262 ملێون و 911 هه‌زار و 240 دیناره‌. ئه‌م بڕه‌ پاره‌یه‌ تاوه‌كو 10/12/2021 زیاتر ده‌بێت.
‎ هه‌روه‌ها ئاماژه‌ به‌وه‌شدراوه‌:له‌ هه‌مان به‌رواریش 183نوسراویان ڕه‌تكراوه‌ته‌وه‌. له‌به‌ر ئه‌م هۆكارانه‌ی لای خواره‌وه‌.
‎1-هه‌ندێك نوسراو پێچه‌وانه‌ی ڕێنمایی دارایی بووه‌.
‎2-هه‌ندێك له‌و نوسراوانه‌ كه‌موكوڕیان هه‌بووه‌ و وه‌ڵامدراونه‌ته‌وه‌.
‎3- به‌ڕه‌چاوكردنی بارودۆخی دارایی هه‌رێم به‌ رێنمایی(50) پاڵپشت به‌ بریاری 14ی ئه‌نجومه‌نی وه‌زیران ره‌تكراونه‌ته‌وه‌.