وەزارەتی سامانە سرووشتییەکانی حکوومەتی هەرێمی کوردستان راگەیاندراوێکی لەبارەی ھاوردەکردنی بەنزین بۆ هەرێمی کوردستان بڵاوکردەوە.
لە راگەیاندراوەکەی وەزارەتی سامانە سرووشتییەکان هاتووە: “لەسەر ڕاسپاردەی مەسرور بارزانی، سەرۆکی حکوومەتی هەرێمی کوردستان و بەمەبەستی چارەسەری کێشەی کەمی سووتەمەنی، بڕیار درا لەسەر بەخشینی مۆڵەت بەو کۆمپانیایانەی کە دەتوانن بەنزین هاوردەی ھەرێمی کوردستان بکەن بە پێی مەرج و رێنوێنییەکانی وەزارەتی سامانە سروشتییەکان”.
ئەوەش خراوەتە روو: “هەر بۆیە داوا لەو کۆمپانیایانە دەکەین کە خوازیاری ھاوردەکردنی بەنزینن، داواکاریی خۆیان پێشکەش بە وەزارەتی سامانە سروشتییەکان بکەن”.