چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزارەتی دەرەوەی عێراق راگەیاند كە رێككەوتنێك لەبارەی چاودێریكردنی پرۆسەی هەڵبژاردنی پێشوەختە لەگەڵ یەكێتیی ئەورووپا، واژووكراوە.
وەزارەتی دەرەوەی عێراق لە راگەیەنراوێكدا ئاماژەی بەوەداوە كە رێككەوتنەكە لەلایەن نزار خەیروڵڵا بریكاری وەزارەتی دەرەوەی عێراق، لەگەڵ مارتن هوس باڵیۆزی یەكێتیی ئەورووپا لە عێراق، واژوو كراوە و هاتووە “رێككەوتنەكە لەسەر داوای كۆمیسیۆنی باڵای سەربەخۆی هەڵبژاردنەكان لە عێراق لەبارەی چاودێركردنی پڕۆسەی هەڵبژاردنەكانی پێشوەختە، واژووكراوە”.
راشیگەیاندووە كە بەپێی رێككەوتنەكە، یەكێتیی ئەورووپا تیمی خۆی بۆ چاودێری هەڵبژاردنەكانی پێشوەختە رەوانەی عێراق دەكات.
بڕیارە هەڵبژاردنی پێشوەختەی عێراق لە 10ی تشرینی یەكەمی داهاتوو ئەنجام بدرێت.
