چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سیاسەتوانێکی کورد رایدەگەیەنێت کە پارتی کرێکارانی کوردستان (پەکەکە) بووەتە هۆی نائارمییەکی زۆر لە ناوچە سنوورییەکانی هەرێمی کوردستان، دەشڵێ پەكەكە سیاسەتێكی دوژمنكارانە لە دژی خەڵك و خاكی هەرێمی كوردستان پەیڕەو دەكات.
د. بوخاری عەبدوڵڵا، سیاسەتوان و ئەندامی پێشووتری پەرلەمانی عێراق، ڕاگەیاند: “تا بارودۆخەكە بەم شێوەیەی ئێستا بێت خەڵكی ناوچە سنوورییەكانی هەرێمی كوردستان ناحەسێنەوە لە ئەنجامی شەڕ و گرژییەکانی پەكەكە و سوپای توركیا، ئامانجیان خەڵك و خاكی هەرێمی كوردستانە، دیارە كە پەكەكە هۆكاری ئەو دۆخە نەخوازراوەی ئێستای ناوچە سنوورییەكانی هەرێمی كوردستانە و پەكەكە سیاسەتێكی هەڵە و دوژمنكارانە بەرامبەر خەڵك و هەرێمی كوردستان بەكار دەهێنێت”.
گوتیشی: “دەسەڵاتدارانی توركیا بەو جموجۆڵانەی پەكەكە لە ناوچە سنوورییەکان دڵخۆشن و لە ڕێگای ئەوانەوە گوشار دەکەنە سەر هەرێمی كوردستان، بە چەندین شێوە وەک داگیركردن و سووتاندن و بۆردومان و تێكدانی ژینگە و چۆڵكردنی گوندەكان ، ئەوەی ڕووش دەدات لەبەرژەوەندیی پەكەكە و توركیایە”.
