چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
چاودێرێکی سیاسی ڕای دەگەیەنێت، خستنەڕووی كۆمەڵێك ڕووداو و هەڕەشەی كوشتن لە ڕێی میدیاوە، پلانێكە بۆ لەكەداركردنی دەزگا یاساییەكان لە هەرێمی كوردستان و پێویستە ئەو كەسانە پەنا بۆ دادگا ببەن.
ڕێبین سەلامی چاودێری سیاسی، ڕاگەیاند، خستنەڕووی كۆمەڵێك ڕووداو و هەڕەشەی كوشتن لە ڕێی میدیاوە، ئەوە پلانێكە بۆ لەكەداركردنی دەزگا یاساییەكان لە هەرێمی كوردستان و پێویستە ئەو كەسانە پەنا بۆ دادگا ببەن.
زیاتر گوتی، ئەو جۆرە گفتوگۆیە ڕێككەوتنی نێوان دوو كەسە و دەیانەوێ بەو جۆرە قسانە سەرنجی میدیا و هاووڵاتییان بۆ خۆیان ڕابكێشن، بە تایبەت ئێستە كاتی هەڵبژاردن نزیك بووەتەوە.
باسی لەوەش كرد، ئەو دوو كەسەی لە گفتوگۆی میدیاییدا باس لە كوشتن و هەڕەشەی كوشتن دەكەن، دادگا هەیە و دەبێت پەنا بۆ دادگا ببەن و ئەگەر دادگا سكاڵاكەی وەرنەگرت، ئەو كاتە بێن بۆ خەڵكی باس بكەن.
ڕوونی كردەوە، ئەو جۆرە وتار و گفتوگۆ پۆپۆلیستیانە ڕوونە، هەروەها دەبێت داواكاری گشتی لە سلێمانی بێتە خەت و بەناوی مافی گشتی سكاڵا تۆمار بكات لەسەریان بۆ ئەوەی دەروونی هاووڵاتییان نەشێوێت.
