چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
چالاكوانێك ئاشكرای كرد، ئاسایشی یەكێتیی نیشتمانیی كوردستان ئەشكەنجەی دوو مێردمنداڵی داوە بەبێ ئەوەی هیچ تۆمەتێكیان بەسەردا ساغ بووبێتەوە.
رەگەز كەمال، ڕێکخەری ڕێکخراوی ١٧ی شوبات بۆ مافەکانی مرۆڤ لە پێگەی خۆی لە تۆڕی كۆمەڵایەتیی (فەیسبووك) ئاشكرای كرد، ئاسایشی یەکێتی دوو مێردمنداڵی بەبێ تاوان ئەشكەنجە داوە، تەنانەت ”یەكێك لە مێردمنداڵەكان گوتوویەتی لە یەكەم لێدان و ئەشكەنجەدانم بێهۆش كەوتم“.
ڕوونیشی كردۆتەوە كە ئەو دوو مێردمنداڵە برای یەكترن و تەمەنیان ١٢ و ١٤ ساڵان بووە، لەسەر تۆمەتێك دەستگیر كراون و ئەشكەنجە دراون، كەچی دواتر لە لایەن پۆلیسەوە لێكۆڵینەوە كراوە و دەركەوتووە كە بێتاوانن و ئازاد كراون.
ئەوەشی ئاشكرا كرد كە ئەو تاوانە لە لایەن ئاسایشی یەكێتی لە شارەدێی (هەڵەبجەی تازە) لە سنووری پارێزگای سلێمانی كراوە و بەو هۆیەشەوە باوكی مێردمنداڵەكان سكاڵای لە دژی ئاسایش تۆمار كردووە.
