چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نرخی ئێستای دۆلار بەرامبەر بە دینار شیاوە و ناگەڕێتەوە بۆ دۆخی پێشووتری. دەشڵێت، “هەر بڕیارێک لەو بارەیەوە بدرێت، ئەوا کارەساتی ئابووری دەخوڵقێنێت”.
هەر ئەمڕۆش، مستەفا کازمی سەرۆکوەزیرانی عێراق لەچوارچێوەی کۆبوونەوەی ئەمڕۆی ئەنجومەنی وەزیراندا باسی لەوەکرد، گۆڕانکاریی لە نرخی دۆلار بەرامبەر دینار ناکرێت. وتیشی، “لە داهاتوودا ئاستی گەشەی یەدەگی دراوی نەختینەیی عێراقی دەبینین و پێویستە چاوەڕێ بکەین”.
لە ناوەڕاستی مانگی کانونی یەکەمی ساڵی رابردوودا، بانکی ناوەندی عێراق نرخی ١٠٠ دۆلاری لە ١٢٠ هەزار دینارەوە بۆ ١٤٥ هەزار دینار بەرزکردەوە و ئەوەش کاریگەری کردە سەر کار و داهاتی هاوڵاتیان.
