چه‌كدارانی په‌كه‌كه‌ بنكه‌ سه‌ربازییه‌كانی تورکیایان بۆردومان كردو تۆپخانه‌كانی توركیاش وه‌ڵامیاندانه‌وه

گه‌ریلاكانی په‌كه‌كه‌ بنكه‌ سه‌ربازییه‌كانی تورکیایان بۆردومان كرد، له‌به‌رامبه‌ردا سوپای توركیا بە چڕی سنوری دەراو و  سەری ڕۆبی و ڕواڵیان له‌ ده‌ڤه‌ری سیده‌كانی تۆپباران كرده‌وه‌.

كاتژمێر 12:30 خوله‌كه‌ی دوانیوه‌رۆی ئه‌مرۆ دووشه‌ممه‌ گه‌ریلاكانی بنكه‌ سه‌ربازییه‌كانی تورکیایان بۆردومان كرد، له‌به‌رامبه‌ردا سوپای توركیا بە چڕی سنوری دەراو و سەری ڕۆبی و ڕواڵیان له‌ ده‌ڤه‌ری سیده‌كانی تۆپباران كرد.

لەوبارەیەوە ئێحسان چەڵەبی بەڕێوەبەری ناحیەی سیدەکان . ڕاگەیاند: تۆپخانه‌كانی سوپای توركیا بۆ ماوه‌ی یه‌ك كاتژمێر ئه‌م ناوچاونه‌ی بۆردومانكردووه‌.

گوتیشی: ئەو تۆپبارانە زیانی گیانی بۆ خەڵکی ناوچەکە نەبووە و ئاماژه‌ی به‌وه‌ش كرد به‌هۆی دووری بنكه‌و باره‌گاكانی گه‌ریلاكانی په‌كه‌كه‌، زیانەکانی پەکەکە نه‌زانراوه‌.