چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پێشكەوتووخوازێكی ناو گۆڕەپانی ئیسلامی كوردستان ڕای دەگەیەنێت، پێویستە عەلی باپیر، ئەحمەد ڕەشیدی پەرلەمانتار لە حزبەكەی دەربكات، ئەگەر نا هەموو پێوەندییەكی لەگەڵ دەپچڕێنێت.
ئەگەر كۆمەڵ خۆی لە ئەحمەدی حاجی ڕەشیدی ئەكراد بێبەری نەكا، پێوەندیم لەگەڵ كۆمەڵخوازاندا دەپچڕێنم. .
ئەمڕۆ شەموو دووی كانوونی دووەم، موحسین جوامێر پێشكەوتووخوازێكی ناو گۆڕەپانی ئیسلامی كوردستان و سەركردەی كۆنی كۆمەڵی ئیسلامی، كە دۆستایەتی لە مێژینەی لەگەڵ عەلی باپیر هەیە، لەلاپەڕەی تایبەتی خۆی لە فەیسبووك نووسیویەتی، عەلی باپیر دۆستمە، بەڵام ئەگەر كۆمەڵ خۆی لە ئەحمەدی حاجی ڕەشیدی ئەكراد بێبەری نەكا، پێوەندیم لەگەڵ كۆمەڵخوازاندا دەپچڕێنم.
ئەو هەڵوێستەی موحسین لە كاتێكدایە لە ماوەی ڕابردوو لەناو گۆڕەپانی سیاسی هەرێمی كوردستان و حزبە ئیسلامییەكانیش، دژایەتی بۆ ئەو ئەندامەی كۆمەڵی ئیسلامی ڕاگەیەنراوە، گومانی لێ دەكرێت كە كار بۆ چەند حزبێكی نەیاری كوردستان بكات.
