چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ شەممە ١٢ی ٩ی ٢٠٢٠، هەردوو دەزگای هەڵبژاردنی پارتی دیموكراتی كوردستان و یەكێتیی نیشتمانیی كوردستان لە شاری سلێمانی كۆبوونەوە.
كۆبوونەوەكە لە بارەی یاسای هەڵبژاردنی عێراق ئەنجام درا و دواتر لە پرێس كۆنفرانسێكدا بە فەرمی رایانگەیاند كە ئەوان دەیانەوێت لایەنە كوردستانییەكان یەكهەڵوێست بن لە بەرامبەر ئەو یاسایە كە پەرلەمانی عێراق دەنگی لەسەر داوە، بە تایبەتیش لە بابەتی فرە بازنەیی.
پێشتر خەسرۆ گۆران، بەرپرسی دەزگای هەڵبژاردنی پارتی دیموكراتی كوردستان راگەیاندبوو كە ئەوان دەیانەوێت هەموو لایەنە كوردستانییەكان بەرامبەر یاسای هەڵبژاردنی عێراق یەكهەڵوێست بن، چونكە پێیانوایە كە فرەبازنەیی لە بەرژەوەندیی كورددا نییە.
