چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆکی لێژنەی پەروەردە و خوێندنی باڵا له پهرلهمانى كوردستان ئاشکرای دەکات، چەند بژاردەیەک لەبەر دەستن بۆ دەستپێکردنەوەی دەوامی زانکۆ و پەیمانگهکان، باشترینیان سیستەمی ئاوێتەیە.
عەبدولسەلام دۆڵەمەری، سەرۆکی لێژنەی پەروەردە و خوێندنی باڵا لە پەرلەمانی کوردستان ڕاگەیاند: “چەند بژاردەیەک بۆ دهستپێكردنهوهی دەوامی زانکۆ و پەیمانگهکان بهردهستن، لەوانەش خوێندن بەشێوەی ئۆنڵاین، یان سیستەمی ئاوێتە، بەڵام پێناچێت بڕیار لەسەر ئۆنڵاینەکە بدرێت”.
لەبارەی سیستەمی ئاوێتە گوتی: “ئەم سیستەمە تا ڕادەیەک باشترە، بۆ وانە پراکتیکییەکان و زانستییەکان پێویسته قوتابییان بچنە ناوەندەکانی خوێندن، وەک بەشە پزیشکییەکان و بەشەکانی دیکە، لەبارەی وانەکانی دیکە کە پراکتیکی نین، بە ڕێگەی ئەلیکترۆنی بخوێندرێن”.
لەبارەی دەستپێکردنەوەی دەوام، عهبدولسهلام دۆڵهمهرى باسى لهوه كرد: “دەوامی زانکۆ و پەیمانگهکان لە مانگی نۆ نابێت، بەڵام ئەگەر لەسەر سیستەمی ئاوێتە ڕێک بکەوین، ئەو كاته ئهگهرى ههیه مانگی 10 یان 11 دەست بە دەوامی زانکۆ و پەیمانگهكان بكرێت”.
ئهوهشى خسته ڕوو: “دوا جار وەزارەتی تەندروستی بڕیاری کۆتایی دەدات کە ئایا مەترسییەکانى پهتاى كۆرۆنا تا کەی ھەن”
