چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆکی فراکسیۆنی پارتی لە پەرلەمانی کوردستان رایگەیاند، ئەگەر فراکسیۆنی یەکێتیی نیشتمانی کوردستان سووربێت لەسەر بڕیاری بایکۆتکردنی دانیشتنەکانی پەرلەمان، ئێمەش سوور دەبین لەسەر بەردەوامبوون لە دانیشتنەکان.
ئومێد خۆشناو، سەرۆکی فراکسیۆنی پارتی لە پەرلەمانی کوردستان بە راگەیاند، ئەمڕۆ فراکسیۆنی پارتی دیموکراتی کوردستان لەگەڵ رێواز فایەق، سەرۆکی پەرلەمان کۆبووەتەوە و لەبارەی بڕیاری راگرتنی کارەکانی فراکسیۆنی یەکێتیی گفتوگۆیان کردووە و یەکێتیی سووربووە لەسەر ئەوەی کارەکانی لە پەرلەمان راگرێت.
ئومێد خۆشناو گوتی: “ئێمەش بە سەرۆکی پەرلەمانی کوردستانمان گوتووە کە دانیشتنەکانی پەرلەمان ناوەستنین و بەبێ ئامادەبوونی فراکسیۆنی یەکێتی بەردەوام دەبن”.
