چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
شارۆچكەی سلێمان بەگی سەر بە شاری خورماتوو، چەند كەسێك بەهۆی نووسینی دروشمەكانی ڕێكخراوی تیرۆریستیی داعش لەسەر دیواری ماڵان دەستگیر كران.
لەمبارەیەوە مەهدی حەسەن بەڕێوەبەری پۆلیسی شارۆچكەی سلێمان بەگ،راگەیاند “لەلایەن كەسانی نەناسراوەوە چەند رۆژێكە دروشمی تایبەت بە پشتگیریكردن لە تیرۆریستانی داعش لەسەر دیواری ماڵان لە گەڕەكەكانی شارۆچكەی سلێمان بەگ دەنووسرێتەوە”.
گوتیشی هێزەكانیان بۆ ئاشكراكردنی ئەو كەسانەی پشتگیری لە تیرۆریستان دەكەن، هەوڵەكانیان چڕ كردووەتەوە و چەند كەسێكی گومانلێكراویشیان دەستگیر كردووە، كە گومانی ئەوەیان لێ دەكرێت دروشمەكانی داعشیان لەسەر دیواری ماڵان نووسیبێتەوە.
بەرێوەبەری پۆلیسی سلێمان بەگ ئەوەشی خستەروو كە هاووڵاتییان هاوكاری هێزە ئاسایشییەكانیان كردووە لە سڕینەوەی دروشمەكان و لە گرتنی تۆمەتبارەكانیش.
