چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مامۆستایانی ئاینی و هاووڵاتییان ڕای دەگەیەنن، بەرپرسانی یەكێتی لە كەركووك بە سووكایەتیكردن بە كورد زۆر دڵخۆشن و ئەگەر لە شەرم نەبێت شیرینیش دابەش دەكەن.
ژمارەیەك لە مامۆستای ئاینی و هاووڵاتی گردبوونەوەیەكیان ئەنجام دا لە بەرانبەر ئەو سووكایەتییە بە هاووڵاتییەكی كورد لە نەخۆشخانەیەك دەكرێت لە یەكێك لە نەخۆشخانەكانی كەركووك.
ئەو هاووڵاتییانە لە پەیامێكیان بۆ بەرپرسانی یەكێتی لە شارەكە گوتیان، پێویستە ناكات بەیاننامە دەربكەن و بڵێن بەدواداچوون دەكەین، چونكە هیچتان پێ ناكرێت و زۆریش دڵخۆشن بە سووكایەتیكردنە بە كورد، لەبەر شەرمە و لۆمەی زیاتری خەڵكی نەبێت، لە خۆشیاندا شیرینیش دابەش دەكەن.
ئەو هاووڵاتییانە و چەند مامۆستایەكی ئاینی ئەمڕۆ لە گردبوونەوەكەیان داوایان كرد، نوێنەرانی كورد لە شارەكە لە ئەنجوومەنی نوێنەرانی عێراق، هیچ بەیاننامەیەك دەرنەكەن و خۆیان بێ دەنگ بكەن باشترە.
