چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لیژنەی ئاسایش و بەرگری پەرلەمانی عێراق پشتگیری لە هەوڵەكانی پێكهێنانی هێزی هاوبەش لە ناوچە كوردستانییەكان دەكات.
عەبدولخالق مدحەت، ئەندامی لیژنەی ئاسایش و بەرگری لە پەرلەمانی عێراق، راگەیاند، وەك لیژنەی بەرگری و ئاسایش بە پێویستی دەزانین بۆ پڕكردنەوەی بۆشایی تەناهی و بەرگرتن لە هێرش و پەلامارەكانی تیرۆریستانی داعش، هاوئاهەنگی لەنێوان هێزی پێشمەرگە و سوپای عێراقدا هەبێ.
زیاتر گوتی، وەك لیژنەكەمان بەر لە چەند رۆژێك لەو رووەوە داواكاریمان ئاراستەی سەرۆك وەزیران كردبوو سەبارەت بە گرنگی پێكهێنانی هێزی هاوبەش، بەجۆرێك لەو ناوچانەدا پێكەوە بۆشایی تەناهی پڕ بكەنەوە و رێگە نەدەن داعش خاكی نێوان هەردولا بۆ خۆڕێكخستنەوە بەكاربینێت.
