چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆكی پەرلەمانی كوردستان دژایەتیی خۆی بۆ داواكارییەكەی پەرلەمانتارێكی كۆمەڵی ئیسلامیی كوردستان دەربڕی و رای گەیاند كە ناكرێت لە پەرلەمانی كوردستان قەبووڵیان بێت، قسە لەسەر هەڵوەشاندنەوەی قەوارەی هەرێمی كوردستان بكرێت.
ڕێواز فایەق، سەرۆكی پەرلەمانی كوردستان، راگەیاند:” قەوارەی هەرێمی كوردستان بەرهەمی خوێنی شەهیدانە، بەرهەمی ماندووبوونی ئەو دایكانەیە كە گەنجیی خۆیان بەخشی لەپێناو بەخێوكردنی منداڵە بێنازەكانیان.
هه‌روه‌ها ده‌ڵێ:” بەرهەمی ئەو دایكانەیە كە منداڵەكانیان لەبەردەمیان هەڵگیرا و شەهیدكران، قەوارەی هەرێمی كوردستان قەوارەیەكی دەستووریی باوەڕپێهێندراوە لە ئاستی عێراق و ناوچەكە و نێودەوڵەتی كە هەرێمێكی فیدرالین.
وتوشیه‌تی:” قەوارەی هەرێمی كوردستان قسەیەكە نابێت لە پەرلەمانی كوردستان قەبووڵمان بێت، چونكە ناكۆكە لەگەڵ ئەو بڕیارەی بۆ جێگیركردنی فیدرالیەت وەكوو بنەما دراوە و هەرێمی كوردستان قەوارەكەی دیفاكتۆ بووە و لە دوای ٢٠٠٣ش بووە بە هەرێمێكی دەستووری كە لەسەر هەموو كەسێك پێویستە ڕێز لەم هەرێمە دەستوورییە بگرێت“.
