چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سامی ئۆشانە، ئەندامی ئەنجومەنی نوێنەرانی عێراق ڕایگەیاند، هەوڵە دیپلۆماسی و پەیامە ئاشتییەکانی سەرۆک مەسعوود بارزانی ڕێگرییان لە کارەساتی گەورەی مرۆیی لە سووریا و ڕۆژئاوای کوردستان گرت. ئاماژەی بەوەش کرد کە سەرۆک بارزانی تەنیا پارێزگاری لە کورد نەکرد، بەڵکو بووە هۆکاری پاراستنی کریستیان، ئێزدی و عەرەبەکان لە مەترسیی کۆمەڵکوژی.
ئۆشانە جەختی کردەوە کە دەستپێشخەرییەکانی سەرۆک بارزانی و پەیوەندییە نێودەوڵەتییەکانی (بەتایبەت دیداری لەگەڵ پاپا) بوونە هۆی دروستبوونی لێکتێگەیشتن لەنێوان لایەنە ناکۆکەکان. هەروەها دەستخۆشی لە ڕۆڵی سەرۆک وەزیرانی هەرێمی کوردستان کرد بۆ گەیاندنی هاوکاریی مرۆیی و پاڵپشتی دیپلۆماسی بۆ خەڵکی گەمارۆدراوی ناوچەکە، کە ڕۆڵی گەورەی هەبوو لە پاراستنی ژیانی هاووڵاتیانی سڤیل.
