چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
📌وەزارەتی بەرگریی سوریا ڕایگەیاند کە سێ سەربازی سوپای سوریا بە دەستی میلیشیاکانی حزبوڵا کوژراون و جەختی لەسەر ئەوەکردەوە کە هەموو ڕێوشوێنێکی پێویست دژى ئەم کردەوەیە گیراوەتەبەرو وەڵامی ئەم هێرشە دەدەنەوە.
📌وەزارەتەکە بڵاویکردەوە، گروپێکی سەر بە میلیشیاکانی حزبوڵا، ڕۆژى یەکشەممە بۆسەیان بۆ سێ کارمەندی سوپا لە سنووری سوریا و لوبنان داناوە، لە نزیک بەنداوی زێتا لە ڕۆژئاوای حومس پێش ئەوەی بیانبەن بۆ خاکی لوبنان و لە شوێنی خۆیان لە سێدارەیان بدەن.
📌ئاماژەی بەوەشکردووە، ئەم هێرشە کارێکى مەترسیدارە لەلایەن ئەو میلیشیانەوە ئەنجامدراوە. بەپێى چەند سەرچاوەیەکى هەواڵیش ئەو سێ سەربازەی وەزارەتی بەرگری سوریا لەدواى ڕفاندنیان ئەشکەنجە دراون، دیمەشقیش وەڵامی ئەو هێرشەى داوەتەوەولەڕێگەى تۆپخانە و مووشەکەوە چەند پێگەیەکى میلیشیاکانى ئەو حزبەى تۆپباران کردوە.
