چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆکى حکوومەتی هەرێمى کوردستان پەیامێکی بە بۆنەى جەژنى یارانی قەولتاس ئاراستەی کاکەیى (یارسانان) لە کوردستان و جیهان کرد.
مەسرور بارزانى، سەرۆکى حکوومەتی هەرێمى کوردستان لە پەیامەکەیدا رایگەیاندووە: “بە بۆنەى جەژنى یارانی قەولتاس، گەرمترین پیرۆزبایى ئاراستەی خوشک و برایانی کاکەیى (یارسانان) لە کوردستان و جیهان دەکەم، ئومێدەوارم هەمیشە لە شادی و ئاسوودەییدا بن.”
دەشڵێت: “ڕێز و پێزانینێکی زۆرمان بۆ قوربانیدان و ڕۆڵی نیشتمانپەروەرانەی خوشک و برایانی کاکەیی هەیە وەک پێکهاتەیەکی ڕەسەنی کوردستان.”
هەروەها سەرۆکی حکوومەت لە کۆتایی پەیامەکەیدا ئاماژەشی بەوە داوە: “جەژنی یارانی قەوڵتاس پیرۆز بێت و هەر لە خۆشیدا بژین.”
