چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
هاوسه‌رۆكانی یه‌كێتی له ماوه‌ی ڕابردوو 176 چه‌كداری داعش یان ئازادكرد به‌بڕی 2 ملیار دۆلار هه‌زاران پێشمه‌رگه‌یان شه‌هید و بریندار كردبوو.
ئه‌حمه‌د عه‌بدڵڵا باوكی شه‌هید، تایبه‌ت به چركه‌ی ڕاگه‌یاند، عه‌یبه‌ییه بۆ سه‌ركرده‌كانی یه‌كێتی خۆیان به حزبی شه‌هیدان ده‌زانن به‌ڵام له‌ولاوه بكوژی كه‌ڕه‌كانمان بۆ پاره ده‌فرۆشن به كه‌سوكاریان، ئێمه له‌ماڵه‌وه شیوه‌نمانه به‌ڵام ئه‌وجه‌لادانه‌ی كوڕه‌كانمانیان شه‌هید كرد، وه‌ك جه‌ژنانه ئازاد كران بۆ دایك و باوكیان.
ئه‌سمه‌ر مسته‌فا دایكی شه‌هید، به‌ده‌م دووعاكردنه‌وه ده‌ی وت خودایه ئه‌وانه له‌ناوبه‌ریت خاك و خوێنی ئه‌م میله‌ته بۆ پاره ده‌فرۆشن ده‌ی خوا بتانگرێت پاره ئه‌وه‌ده‌هێنێت ئێوه بكوژی كوڕه‌كانمان به‌پاره بگۆڕنه‌وه ده‌ی ئاخر ئێوه ویژدانتان هه‌یه به‌سه خیانه‌ت له‌خاك له خوێنی شه‌هیدان.
هاوسه‌رۆكانی یه‌كێتی لاهوور جه‌نگی و پافڵ تاڵه‌بانی له‌ماوه‌ی ڕابردوو به‌پاره 176 چه‌كداری داعش یان ئازادكرد كه له‌به‌ره‌كانی شه‌ڕ گیرابوون.
