چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
زانیاریى لەسەر ئەو وەرەقە سیاسییەى کە لە کۆبوونەوەى سودانى و لایەنە براوەکانى کەرکوکدا خراوەتەڕوو
بەسەرپەرشتى محەمەد شیاع سودانى، لایەنە براوەکانى هەڵبژاردنى ئەنجوومەنى پارێزگاى کەرکوک کۆبوونەوە و لەسەر پەسەندکردنى “ناوەڕۆکى وەرەقەى سیاسیى” رێککەوتن، بەڵام پەروین فاتیح، سەرۆکى کاتى ئەنجوومەنى پارێزگاى کەرکوک دەڵێت “کۆبوونەوەى ماڵى سودانى هەموو لایەنەکانى کەرکوکى رازى نەکردووە”.
بەگوێرەى نوسینگەی راگەیاندنی سەرۆکوەزیران، لەسێیەمین کۆبوونەوەى لایەنەکاندا بەسەرپەرشتى سودانى، پێداچوونەوە بەو هەوڵ و راوێژانە کراوە کە بۆ پەسەندکردنی وەرەقەی رێککەوتنی سیاسی نێوان پێکهاتەکانی پارێزگاکە خراونەتەڕوو.
