چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
10% تورکمان لە سلێمانییە، وردەکاری لە کۆمێنتە
سهرۆكردەیەکی تورکمان، پێشوازی لە بڕیاری گەڕاندنەوەی كورسیی پێكهاتەكان دەكات، بەڵام دابەشكردنی كورسییەكان بەسەر پارێزگاكاندا بە ناڕەوا و سیاسی لە قەڵەم دەدات.
ئازاد كورهچی، سهرکردەی تورکمان راگەیاند: “گەڕاندنەوەی 5 كورسیی كۆتای پێكهاتەكان لەم ڕووەوە باشه كه هەموان تێبگەن پێكهاتەكان مافی نوێنەرایەتیی خۆیان هەیە و ناكرێت بە بڕیارێكی دادگای فیدڕاڵی مافەكانیان پێشێل بكرێت، بهڵام دابەشكارییەكە ههڵهیه، دابهشكارییەكی سیاسیه و رهتی دهكهینهوه.
ڕوونیشی كردەوە: ”له سلێمانی 2 كورسی دانراوه بۆ توركمان و كریستیان، لە هەولێریش دوو كورسی، واتە بۆ پێكهاتەی توركمان دوو كورسی دانراوە، یەك لە هەولێر و یەكێكیش لە سلێمانی، بەڵام 90%ی توركمانەكان لە هەولێر نیشتەجێن و كەمتر لە 10%ی لە سنووری سلێمانی و بە دیاریكراویش لە شاری كفرین، كەواتە چۆن دەكرێت ئەم دوو كورسییەمان پەنجا بە پەنجا دابەش بكرێت؟ رەنگە ژمارەی توركمانەكان لە سنووری سلێمانی تاك تاك بن.
گوتیشی: ”تەنانەت لەنێوان توركمان و كریستیانیش ژمارەكان وەك یەك نین، بۆیە دەبوایە ئەم بڕیارە بە هەڕەمەكی نەدرێت، بەڵكوو دەبوایە ئاماری پێكهاتەكان هەبێت، چونكە دوور نییە ئەم دابەشكارییە بۆ دروستكردنی فیتنە بێت لەنێوان پێكهاتەكان.
