چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەلینا رۆمانۆسكی،باڵیۆزی ئەمریكا لە عێراق رایگەیاند: بە توندترین شێوە ئیدانەی هێرشە مووشەكییە كوشندەكانی ئێران بۆ سەر هەرێمی كوردستانی عێراق دەكەم، كە بە بێباكی و بێ جیاوازی هاووڵاتیانی مەدەنییان كردە ئامانج، هەروەها هێرشەكانی فڕۆكەی بێفڕۆكەوان بۆ سەر بنكەی ئاسمانی هەولێر.
هەروەها گوتی: هێرشەكانی ئەمدواییە پێشێلكارییەكی ئاشكرای سەروەری عێراقن.
كاتژمێر 11:30 شەوی رابردوو سوپای پاسدارانی ئێران بە چەند مووشەكێكی بالیستی چەند ناوچەیەكی سڤیل نشینی لە هەولێر بۆردومان كرد، بە گوێرەی ئامارە سەرەتاییەكان چوار هاووڵاتیی سڤیل شەهید و شەش هاووڵاتیی دیكەش بریندار بوون، كە تەندروستیی هەندێك لە بریندارەكان ناجێگیرە.
