لە سەنتەری هەولێر دەست بە دابەشکردنی نەوتی ماڵان دەکرێت

بەرپرسێكی ئیداریی شاری هەولێر ئاماژە بە وادەی دابەشكردنی نەوت لەنێو سەنتەری شاری هەولێردا دەكات و دەشڵێت: “ئەو نەوتە لەلایەن حكوومەتی هەرێمی كوردستان بە گران كڕدراوە و بە نرخی هەرزان و پاڵپشی دەیداتە هاووڵاتییان.”

نەبەز عەبدولحەمید، قایمقامی ناوەندیی هەولێر، راگەیاند: “نه‌وتی ماڵان، كە حكوومەت دابەشی دەكات، رۆژی شه‌ممه‌ی داهاتوو لە سنووری دارەتوو دابەش دەكرێت و رۆژی 26ی11یش لە سەنتەری شاری هەولێر دابەش دەكرێت.”

ئاماژەی بەوەش دا: “ئەگەر بریكارەكان ئامادەباشییان كردبێت و بەرمیلەكانیان ئامادەبێت، لە ماوەیەكی كەمدا لە هەموو سەنتەری شاری هەولێر نەوت دابەش دەكرێت، چونكە نەوتی پێویست ئامادەیە.”