چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆكی حكوومەتی هەرێمی كوردستان، ڕەزامەندیی پێشان دا بە دیاریكردنی بڕی شەش ملیار دینار بۆ تەواوكردنی كارەكانی بەنداوی زەلان و چەق چەق.
فەرمانگەی میدیا و زانیاری بڵاوی كردووەتەوە، لەسەر ڕەزامەندی مەسروور بارزانی سەرۆكی حكوومەتی هەرێمی كوردستان، بڕی شەش ملیار دینار بۆ دروستكردنی بەنداوەكانی زەلان و چەق چەق، تەرخان كرا.
باس لەوەش كراوە، ئەم بڕە پارەیە بەشێوەی نەختینە و قۆناغ بە قۆناغ، لەسەر بودجەی وەبەرهێنانی وەزارەتی كشتوكاڵ و سەرچاوەكانی ئاو خەرج دەكرێت.
دیاریكردنی ئەو پارەیە لە كاتێكدایە، سەرەتای ئەم هەفتەیەش سەرۆكی حكوومەت بڕی 10 ملیار دیناری بۆ تەواوكردنی بەنداوی گۆمەسپان تەرخان كرد.
بەهۆی وشكەساڵی و كەمی ئاو، كابینەی نۆی نۆی حكوومەت گرنگی زۆر بە چارەسەركردنی كێشەی كەمئاوی دەدات، دەیان پڕۆژەی جۆراوجۆر خراونەتەڕوو و بودجەیان بۆ دابین كراوە.
