چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەعدوون زەرۆ بەرپرسی ڕاگەیاندنی ماڵی ئێزیدییان لە شنگال، ڕایگەیاند، پەكەكە لە شنگال بەردەوامە لە كڕینی زەوی و شوێنی بازرگانی و تا ئێستە 60 شوێنی كڕیوە، 50 شوێن و زەوی لە شنگال و 10 شوێنیش لە چیای شنگال، ئامانجیانە بازرگانی پێ بكەن و مانەوەی خۆیان پتەوتر بكەن .
ئەو روونی كردەوە، ھەر كەسێك ناڕەزایەتی دەربڕێت پارەیان پێ دەدەن و بێدەنگیان دەكەن، بەم هۆیەوە خەڵكی هەژار لە خشتە دەبەن و خەڵكی شنگالیش بواری ئابووریان خراپە، بۆیە بێ ئەوەی لە دەرەنجامەكەی ئاگادار بن، خۆیان بێدەنگ دەكەن.
وەك زیاتر خستیەڕوو، پەكەكە ھەرچی كارێكی خراپە دەیكات، چونكە ئەوان جگە لە بەرژەوەندی خۆیان، ھیچ كارێك ناكەن سوودی بۆ خەڵكی شنگال ھەبێت و تا ئەوان لە شنگال نەڕۆن، ئەو شارۆكەیە ئارامی بەخۆیەوە نابینێت.
