چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
به‌په‌له: عه‌لی حمه ساڵح بۆ هاوڕێ مه‌لا ستار پاره‌ی دزراو بگه‌ڕێننه‌وه نه‌خۆشخانه‌ی هیوا پێویستی به هاوكاری نابێت
دوای بڵاوكردنەوەی هەواڵی داخستنی نەخۆشخانەی هیوا بۆ شێرپەنجە و كردنی بەكەرتی تایبەت لەلایەن چەند كەسانێك لەناو یەكێتی، بەوە ناسراون قسەكانیان بە بایەخەوە وەرناگیرێت، بۆ بەردەوامی بەو كارەیان هەڵسان بە چاڵنجكردنی چەند پەرلەمانتارێك بۆ ئەوەی مووچەكانیان بدەن بەو نەخۆشخانەیە، لە وەڵامی پەرلەمانتارێكی گۆڕان كە چاڵنجی ئەو گرووپە كرابوو دەڵێت، پارەی قاچاخچێتیتان بۆ نەخۆشخانە دابین بكەن.
عەلی حەمەساڵح لە وەڵامی چاڵنجی هاوڕێ مەلا ستار نووسیویەتی، هیوام وایە یەكێك چاڵنجی ئەوانە بكات لە خاڵی سنووری و فڕۆكەخانەكان سەرقاڵی قاچاخچێتین.
ئەو پەرلەمانتارەی گۆڕان لە وەڵامی یەكێتی دەڵێت، بایی سەدان ملیۆن دۆلار زەوییان داگیر كرد و پارەكەیان بردە دەرەوە. بە دوو لە سەت ئەو پارەیە، كێشەی هیوا چارەسەر دەبێت.
لە وەڵامەكەیدا باسی لەوەش كردووە، دەزانن یەكێك لە گرفتەكانی نەبوونی پارە بۆ هیوا چییە؟ 5%ـی گومرگی جگەرە تەرخان كرابوو بۆ تووشبوونی شێرپەنجە.. ئێستە بەرپرسان هەموو جگەرە بە قاچاخ دێنن و ئەم پارەیەش نەماوە.
