به‌هۆی چه‌كدارانی په‌كه‌كه‌ دۆخی كوردستان به‌رده‌وام به‌ره‌و ئاڵۆزی ده‌ڕوات

بەهۆی شەڕە بەردەوامەکانی گه‌ریلاكانی پەکەکە سوپای توركیا دۆخی ناوچە سنوورییەکانی ھەرێمی کوردستان رۆژ دوای رۆژ ئاڵۆزتر دەبێت.

شه‌ڕو پێكدادانه‌كانی سوپای توركیا و چه‌كدارانی په‌كه‌كه‌ به‌رده‌وامه‌، هاوكات سوپای توركیا به‌رده‌وامه‌ له‌‌ تۆپبارانكردن و بۆردومانكردنی ناوچه‌ سنوورییه‌كانی قه‌زای ئامێدی، به‌ پێی زانیارییه‌كان. سوپای توركیا له‌و ناوچانه‌ی خاڵی پشكنینیان داناوه،‌ ده‌ستیان به‌ داربڕین كردووه، خەڵکی ئەو ناوچانەش بەهۆی هێرشەکانی پەکەکە و سوپای توركیا زیانێكی زۆری ماددییان به‌ركه‌وتووه‌.

شایه‌نی باسه‌ بوونی بنکە و بارەگاکانی پەکەکە لە گوندە سنوورییەکانی هەرێمی کوردستان، بیانووی داوەتە تورکیا ناوچەکە بۆردومان بکات و لەشکرکێشی زیاتر بکات.