هۆشداری ده‌درێت لاهوور جه‌نگی قوماری هاوشێوه‌ی كه‌ركووك به‌ هه‌رێمی كوردستانه‌وه‌ نه‌كات

رۆژنامەنووسێكی شاری كەركووك، ڕەخنەی توندی لە لاهوور جەنگی نیو سەرۆكی یەكێتیی نیشتمانیی كوردستان گرت و رای گەیاند، ئەگەر لاهوور جەنگی قوماریان پێوە نەكات، دەستكەوتەكانی كوردستان پارێزراو دەبن.
لاهوور جەنگی، سەردەستەی تاقمی خیانەتكار و كوردستانفرۆشی ١٦ی ئۆكتۆبەر، بانگەشەی ئەوەی كردووە گوایە یەكێتی كە ئێستا هێندە بچووك بووەتەوە، ناچار لە رێگەی كاندیدكردنی كۆنەجاشی سەردەمی بەعسەوە ئومێدی بە كۆكردنەوەی دەنگ هەیە، گوتویەتی: ”ڕێگە بە هیچ كەس و لایەنێك نادات قومار بە دەستكەوتەكانی هەرێمی كوردستانەوە بكات.
لوقمان کاکه‌یی، رۆژنامەنووس لە كەركووك راگەیاند: ”هه‌موو که‌س باسی قوماركردن و دۆڕاندنی دەستكەوتەكان بكات، نابێ لاهوور جەنگی و براکانی بیكەن، چونكە ئه‌وه‌ی ئه‌وان کردیان، هیچ كوردێكی بەشەرەف نایكات“.
جەختیشی كردەوە كە فرۆشتنی كەركووك و زیاتر لە نیوەی خاكی كوردستانی باشوور، لە چوارچێوەی خیانەتی ١٦ی ئۆكتۆبەردا، گەورەترین خیانەت و قومار بوو كە بەرامبەر بە دەستكەوتەكانی هەرێمی كوردستان كرا، گوتیشی: ”ئەوەتا ئێستاش لاهوور جەنگی لەسەر ئەو پارەیە دەژی كە لەسایەی خیانەتی ١٦ی ئۆكتۆبەردا دەستی كەوتووە، ئەمە وێڕای قاچاخچێتیی مەرزەكان“.
دووپاتیشی كردەوە كە ئەگەر لاهوور جەنگی قوماری پێوە نەكات و نەیانفرۆشێت، دەستكەوتەكانی هەرێمی كوردستان پارێزراون و بگرە ڕۆژ بە رۆژ زیاتریش دەبن.