چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
یەكێتی نیشتمانیی كوردستان بڕیاری لادانی محەمەد عوسمان، بەپرسی مەڵبەندی كەركووكی داوە، بەڵام تا ئێستە شوێنگرەوەی دیاری نەكراوە، هۆكارەكەی ئاشكرادهكرێن و بەپرسانی حزبەكەیش لە ناوچەكە زانیارییەكان رەت ناكەنەوە.
بەپێی زانیارییەكان، هۆكاری موجامەلەكردنی زۆری بەرپرسی مەڵبەندی كەركووكی یەكێتی، محەمەد عوسمان كە بە محەمەد دووشیوانی ناسراوە، مەڵبەندی رێكخستنی ئەو حزبە بڕیاری لادانی ئەو بەرپرسەی لە پۆستی مەڵبەندی كەركووك داوە.
بەپێی زانیارییەكان ئەو بەرپرسە لەم دوو ساڵەدا هەنگاوی رژدی نەناوە بۆ كردنەوەی مەڵبەندی تر بۆ حزبەكەی لە ناوچەكە، لەكاتێكدا ئەوە لە پلانی حزبەكەدا بووە، لەگەڵ ئەوەیش ئاراستەیەكی نزیك لە خیانەتكاران لە هەوڵی ئەوەدان پارێزگاری لەو بەرپرسە بكەن، بۆیە دانانی جێگرەوەی دوا خراوە، سەرباری ئەوەی هەفتەیەكە بڕیارەكە دراوە .
