چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەندامێكی فراكسیۆنی پارتی لە پەرلەمانی كوردستان وەڵامێكی توندی ئاڵا تاڵەبانی دەداتەوە كە بە ئاڵا ئەسەدی ناسراوە و پێی دەڵێ، ئاڵا چ حەقی لەوەیە كە كێ مەرجەعی كوردە؟.
پێشەوا هەورامانی ئەندامی فراكسیۆنی پارتی لە پەرلەمانی كوردستان لە فەیسبووكی خۆی نووسیویەتی، “ئاڵا ئەسەدی چ حەقی لەوەیە كێ مەرجەعی كوردە؟ كە ئەو دەڵێت من ڕەچەڵەكم ئەسەدییە لەبری تاڵەبانی و لەبری ئەی ڕەقیب، مەوتنی دەڵێتەوە.
هەورامانی ئاشكرای كرد كە ئاڵا تەنانەت لەحزبی عەرەبیش بووەتە ئەندام پەرلەمانی عێراق، ئەو وەك كەسێكی ئەسەدی مەرجەعی خۆی دیارە و پێیەوە پابەندە، ئیتر كێشەی چییە كێ مەرجەعی كوردە.
ئەو وەڵامەی پێشەوا هەورامانی بۆ ئاڵا ئەسەدی لە كاتێكدایە كە لەمیانی دیمانەیەكی لەگەڵ میدیای میلیشیاكانی عێراق ئاڵا تاڵەبانی هێرش دەكاتە سەر كوردستان و بە دڵی شیعەكان قسە بە كوردستان دەڵێ.
ئاڵا تاڵەبانی پێشتر گوتبووی كە تاڵەبانییەكان لە بنەڕەتدا ئەسەدین و ئێستەیش ئەو پابەندی تەواوی ئەوانە و وەك عەرەبێكی دژە كورد لە بەغدا كار دەكات
