چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دوو هاوڵاتی کورد لەسەر سنوری نێوان باشوور و رۆژهەڵاتی کوردستان دوای ئەوەی لەلایەن هێزە ئەمنییەکانی وڵاتی ئێرانەوە دەستڕیژی گولـلەیان لێ دەکرێت، دەکەونە ناو روباری قاسمەڕەش و بەوهۆکارەش گیانیان لەدەستداوە.
بهكر بایز،قایمقامى پشدهر بە چرکە راگەیاند، ئەو دوو گەنجە یەکێکیان خەڵکی هەرێمی کوردستان و ئەوی دیکەیان خەڵکی رۆژهەڵاتی کوردستانە و ویستویانە ژمارەیەک رەشەوڵاخ بهێننە هەرێمی کوردستان و هەردوو هاوڵاتییەکەش خێزاندارن، بەڵام “سوپای پاسداران دەستڕیژی گولـلەی لێکردون و کەوتونەتە ناو ئاوی روباری قاسمەڕەش.”
ئاماژەی بەوەشکرد، دوای ئەوەی تیمێکی ئیداری قەڵادزێ چونەتەسەر رووبارە هەردوو تەرمەکە دۆزراونەتەوە، لەئێستادا تەرمەکان رەوانەی پزیشکی دادی کراون و “هیچ شوێنەوارێکی بوونی گولـلە بەجەستەیانەوە نەبووە”.
