به‌په‌له‌: حه‌شدی شه‌عبی ئاشكرای ده‌كات په‌كه‌كه‌ زانیاری وردیان له‌سه‌ر ناوچه‌كه‌ پێده‌دات

فه‌رمانده‌یه‌كی‌ میلیشیا شیعه‌كان دووپات له‌وه‌ ده‌كاته‌وه‌ كه‌ له‌چه‌ندان ناوچه‌ی‌ كوردستانی‌ ده‌ره‌وه‌ی‌ ئیداره‌ی‌ هه‌رێم په‌كه‌كه‌ زانیاریان ده‌داتێ‌ و هاوئاهه‌نگییان ده‌كات.

عه‌لی حوسه‌ینی، یه‌كێك له‌ فه‌رمانده‌ میلشیا شیعه‌كان،باسی له‌وه‌ كرد، هه‌وڵیانداوه‌ له‌گه‌ڵ ته‌واوی‌ هێزه‌ چه‌كداره‌كان هاوئاهه‌نگی‌ بكه‌ن و ” په‌كه‌كه‌یش هاوئاهه‌نگی‌ كردووین و زانیاریمان له‌سه‌ر ناوچه‌كان پێ‌ ده‌دات”.

هه‌روه‌ك دووپاتی‌ كرده‌وه‌ كه‌ ئه‌و هاوكارییه‌ی نێوان میلیشیاكان و په‌كه‌كه‌ تا ئێسته‌ به‌رده‌وامه‌ و له‌ زۆره‌ی‌ ناوچه‌ كوردستانییه‌كان كاری‌ پێ‌ ده‌كرێ‌.

ئه‌وه‌ له‌كاتێكدایه‌ كه‌ هه‌ر په‌كه‌كه‌ ئێسته‌ كێشه‌ی‌ بۆ هه‌رێمی‌ كوردستان دروستكردووه‌، سه‌رباری‌ ئه‌وه‌یش په‌لاماری‌ هێزی‌ پێشمه‌رگه‌ی‌ كوردستان ده‌دات.