چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەلا عەلی کەڵەک پەیامێکی ئاراستەی ئیبراهیم تاتڵیسەس کردووە و دەڵێت، ئەگەر ئەو گۆرانیبێژە “تۆبە بکات و بڵێت من کوردم” لە ماوەی شەش مانگدا چارەسەری دەکات.
مەلا عەلی کەڵەک لەو پەیامەیدا کە بە سێ زمانی کوردی، عەرەبی و ئینگلیزی بڵاوکردووەتەوە و ژمارە تەلەفۆنی خۆیشی داناوە.
لە پەیامەکەیدا دەڵێت “ئەگەر گۆرانیبێژ، بەڕێز ئیبراهیم تاتڵیسەس تۆبە بکات و بڵێت من کوردم و حاشا لە قەومی خۆی نەکات، ئەوە بە شاهیدی هەمووتان لە ماوەی شەش مانگدا بە ئیزنی خوا چارەسەری دەکەم بەبێ بەرامبەر”. لەبارەی گرفتە تەندروستییەکەی ئیبراهیم تاتڵیسەس ئەو ئاماژەی بەوە کردووە “مێشکی [ئیبراهیم تاتڵیسەس] خوێنی لەناو مەییە، لەبەر ئەوەیە چاکنابێتەوە”
ئیبراهیم تاتڵیسەس لە 14ی ئاداری 2011 لە هێرشێکی چەکداریدا بە سەختی سەری برینداربوو و لەوکاتەشەوە دۆخی تەندروستیی نەگەڕاوەتەوە ئاستی پێشووی. هەروەها ساڵی 1990یش تەقەی لێکراوە و گولـلە بەر لاقی کەوتووە.
