بزووتنه‌وه‌ی ئیسلامی: هۆشداری به‌په‌كه‌كه‌ ده‌دات قه‌واره‌ی هه‌رێمی كوردستان به‌رهه‌می خوێنی شه‌هیدانه‌

عەبدوڵا وەرتی، گوتەبێژی فەرمی بزووتنەوەی ئیسلامی کوردستان،ڕاگەیاند، پێویستە پەکەکە ڕەچاوی دۆخی سیاسی و ئاسایشی هەرێمی کوردستان بکات، چونکە قەوارەی هەرێمی کوردستان بە خوێنی هەزاران شه‌هید بینا کراوە.

زیاتر گوتی، هەر هەوڵێک لە لایەن پەکەکە یان هەر هێزێکی ترەوە پێچەوانەی هەوڵەکانی پاراستنی هەرێمی کوردستان بنرێت، کەواتە ئەو لایەنە دۆخی هەرێمی کوردستانی ڕەچاو نەکردووە.

پەکەکە لە ڕێی ڕاگەیەندراو و میدیاکانیەوە بەردەوام هەوڵی نانەوەی پشێوی لە هەرێم دەدات، وەک قۆستنەوەی ناڕەزایەتی مووچەخۆران و فەرمانبەران بۆ مەرامی تایبەتی خۆیان.