چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پەرلەمانتارانی نەوەی نوێی شاسوار عەبدولواحید، قوتی خەڵك تێكەڵاو بە موزایەدەی سیاسی دەكەن، چاودێرێكی سیاسیش دەڵێ، موزایەدەی سیاسی دۆخی هاووڵاتییان باش ناكات و ئەو ترووسكاییەیش دەكوژێنێتەوە كە دەكەوێتە دڵیانەوە.
نەزاكەت سەعید، مامۆستای زانكۆ و چاودێری سیاسی لە سلێمانی،راگەیاند، لە واقیعێكی قەیراناویداین كە هەر هەواڵێكی خۆش ئەگەر بچووكیش بێت، جێگەی دەستخۆشییە، روونی كردەوە، راستە مووچە دواكەوتووە و مووچەخۆران مافی خۆیانە گلەیی بكەن، بەڵام ناكرێ مووزایەدە بەم مافەوە بكرێت و بۆ مەبەستی سیاسی بەكار بێت.
وەك نەزاكەت ئاماژەی دا، مووزایەدەكردن بە قووتی خەڵكییەوە لەلایەن هەر هێزێكەوە بێت، كارێكی خراپە و باش نییە، بگرە دۆخی هاووڵاتی و مووچەخۆرانیش خراپتر دەكات.
دكتۆر خالید حەیدەر، راگەیاند، خۆپێشاندان مافێكی سروشتی هەموو خەڵكێكە بۆ داواكردنی مافی ڕەوای خۆی بە شێوەیەكی مەدەنی، بەڵام خۆپێشاندان دیوێكی تریشی هەیە كە زیانی بۆ ئابووری خەڵك و پەكخستنی بازاڕ هەیە.
زیاتر گوتی، ئەگەر خۆپێشاندان لەناو بازاڕدا بكرێ، دوكانەكانی ئەو ناچەیە دادەخرێن بۆ ئەوەی زیانیان بەر نەكەوێت، ئەمەیش لە رووی ئابوورییەوە زیانی زۆر بەدوای خۆیدا دێنێت.
