چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وردەکاری کۆبونەوەکە لە کۆمێنتە
مەسروور بارزانی سەرۆک وەزیرانی کوردستان لە داڤۆس، ڕایگەیاند:”لە چوارچێوەی بەشداریکردنمان لە کۆڕبەندی ئابووی داڤۆس، لەگەڵ بەڕێز ئیلهام عەلییێڤ سەرۆک کۆماری ئازەربایجان کۆبووینەوە و هاوڕابووین لە سەر گرنگیی بەهێزترکردنی پەیوەندیی دوولایەنە لە بوارە جۆراوجۆرەکاندا ، بەتایبەتی وەبەرهێنان و ئاڵوگۆڕی بازرگانی.
سەرۆک عەلییێڤ ئاماژەی بە پەیوەندیی لەمێژینە و دۆستانەی نێوان هەردوو گەلی ئازەربایجان و کوردستان کرد و بانگهێشتی باکۆی کردین و ئامادەیی وڵاتەکەی بۆ کردنەوەی کونسوڵخانەی گشتیی ئازەربایجان لە هەولێر دەربڕی.
خواستی هەرێمی کوردستانمان بۆ پتەوکردنی هاریکاریی و هاوئاهەنگیی نێوان هەرێمی کوردستان و کۆماری ئازەربایجان دووپات کردەوە.
